स्नेहांच्या भेटीगाठी…बाबा डमाळे पा.

अनुभवांची देवाणघेवाण… आणि सेवाभावी व्यक्तिमत्त्वांचा सहवास..!!

0 1 1 8 6 7

🚩 दक्षिण भारत दौरा… 🚩

🤝स्नेहांच्या भेटीगाठी…
अनुभवांची देवाणघेवाण… आणि सेवाभावी व्यक्तिमत्त्वांचा सहवास..!!

दौरा म्हणजे केवळ प्रवास नसतो;
तो माणसं जाणून घेण्याचा,विचार समजून घेण्याचा आणि प्रेरणादायी कार्याचा जवळून अनुभव घेण्याचा प्रवास असतो.
दक्षिण भारत दौऱ्यात वैद्यकीय, उद्योग,अध्यात्म आणि समाजसेवा क्षेत्रात आपल्या कार्याचा वेगळा ठसा उमटविणाऱ्या मान्यवरांची यापूर्वीच्या भेटीपेक्षा यावेळी वेगळा अनुभव घेण्याचा योग आला.

🍁1) प्रसिद्ध हृदयरोगतज्ज्ञ डॉ. साई सतीश
भारतासह विविध देशांत हृदयशस्त्रक्रिया व व्याख्यानांसाठी आमंत्रित केले जाणारे नामांकित हृदयरोगतज्ज्ञ डॉ. साई सतीश यांची सदिच्छा भेट घेतली. वैद्यकीय क्षेत्रातील त्यांचे ज्ञान,अनुभव आणि कार्य निश्चितच प्रेरणादायी आहे.
🍁2) डॉ.श्रीमती मालती मनोहर
देश-प्रदेशात नामांकित असलेल्या अपोलो हॉस्पिटलचे चेअरमन डॉ. रेड्डी यांच्या स्वीय सहाय्यक (P.R.O.) डॉ. श्रीमती मालती मनोहर यांचीही आत्मीय भेट झाली.*
🍁3) साईभक्त उद्योगपती व्ही. के. रमणी साहेब
चेन्नईतील प्रसिद्ध उद्योगपती आणि निस्सीम साईभक्त श्री. व्ही. के. रमणी साहेब यांची प्रकृती अस्वस्थ असल्याने त्यांच्या निवासस्थानी जाऊन सदिच्छा भेट घेतली.
साईभक्तीला सेवेशी जोडत त्यांनी भक्तांसाठी साई संस्थानला एक हजार खोल्या मोफत बांधून देण्याचे कार्य केले, तसेच साई मंदिराच्या गाभाऱ्यासह मंदिरासाठी लागणारे सोनेही कोणताही गाजावाजा न करता अर्पण केले. चेन्नईच्या समुद्रकिनारी साईबाबांचे भव्य मंदिर उभारून त्यांनी श्रद्धेला सेवाभावाची जोड दिली आहे.
मोठं कार्य करणारी माणसं अनेकदा प्रसिद्धीपासून दूर असतात;
त्यांची ओळख त्यांच्या कार्यातूनच होते.
🍁4) श्री. मोहनजी — सेवाभावाची अनोखी वाटचाल
केरळमध्ये कोणताही दिखावा नाही, प्रसिद्धीची अपेक्षा नाही, बुवाबाजी नाही; प्रत्यक्ष कृतीतून अखंड सेवा हा त्यांच्या कार्याचा मूलमंत्र.
दररोज हजारो गोरगरीबांसाठी मोफत भंडाऱ्याची व्यवस्था करण्याबरोबरच हिंदुस्थानसह बारा देशांतील हजारो भक्तांना देव–देश–धर्म आणि भारतीय संस्कृतीचे दर्शन घडवून आणण्याचे त्यांचे कार्य अविरत सुरू आहे.
🌺 या दौऱ्यात भेटलेली माणसं वेगवेगळ्या क्षेत्रातील असली, तरी त्यांच्या कार्यामागची भावना एकच — सेवा आणि समर्पण.
पद मोठं असणं ही प्रतिष्ठा असू शकते;
पण माणसांच्या आयुष्यात सकारात्मक बदल घडविणं ही खरी श्रीमंती आहे.
अशा कर्तृत्ववान, सेवाभावी आणि संस्कारशील व्यक्तिमत्त्वांच्या सहवासातून मिळणारी प्रेरणा हीच कोणत्याही प्रवासाची खरी कमाई असते.